Te Mura o Tamaki

Haere mai e te whanau,

I whakatūria e Te Mura o Tāmaki (TMoT) i te tau rua mano ngahuru ma waru. I tū tuatahitia mātou i te kaupapa rangatira o Te Kōtuku kei te whaitua o te rāwhiti, ki te Marae o Ruapotaka. Ko te tino kaupapa o tō mātou nei kapa, ko te whai kaha i ngā tumanako a o tātou tūpuna me te whai kaha ki te whakatinanatia i ngā kōrero, o Te Aho Matua. He ao Pākehā kei waho i te papa tuwaewae, engari, he tikanga Māori kei roto. Ko te whainga a Te Puna Wairua he whakato  i te kakano o nga tikanga maori otira he noho hei wāhi haumaru mo te ako me te whakaharatau i tō tātou nei reo rangatira, Kia pakari te tū. Ko te whakataukī nei  “Whāia te aratika i runga i te hūmārie” he manako tenei mo nga tauira o Te Puna Wairua. Ka noho hei paipera tapu mo tatou. Ko te tino hiahia o te kapa kia noho whanau, kia noho mauritau i waenganui i a tatou, otira kia whakawhanaunga me nga matua ma reira noho ora tenei Puna Wairua. Ko te ture mo te tū ki te papa tuwaewae, me tutuki katoa nga mahi o roto i te akomanga ki te kore ka mahue ko nga mahi haka hei kai ma te whakaaro.

Matua Andre Monga

Te Mura o Tamaki – Kaiwhakahaere